- Reglur þessar gilda um lokamat í FAS.
- Þemadagar, leiklist og aðrir áfangar sem ekki eru kenndir alla önnina falla ekki undir þessar reglur en fjallað er um lokamat í kennsluáætlun í þeim áföngum.
- Að jafnaði fer fram samtal um lokamat milli kennara og nemanda.
- Lokaeinkunn skal birt ekki seinna en í lok lokamatsviku.
- Nemandi hefur sjö daga til að gera athugasemd við einkunn í lokamati.
- Sætti nemandi sig ekki við niðurstöður kennara hvað varðar lokaeinkunn hefur hann sjö daga frá birtingu í Innu til að koma skriflegum athugasemdum um það til skólameistara.
- Síðasta vika hverrar annar, samkvæmt skóladagatali, er lokamatsvika.
- Stundatafla annarinnar er í gildi í lokamatsviku.
- Skipulag lokamats kemur fram í kennsluáætlun.
- Ná þarf að lágmarki 45 stigum af 100 í lokamati og í þeim námsmatsþáttum sem vega 30% eða meira af heildareinkunn.
- Kennari skipuleggur viðveru nemenda í lokamatsviku fyrir lok næstsíðustu viku annar.
- Nemanda ber að mæta til lokmats í öllum áföngum sem þessar reglur taka til.
- Staðnemendur eiga að mæta í lokamat í skólanum samkvæmt skipulagi kennara en fjarnemendur eiga kost á fjarfundi.
- Geti nemandi ekki mætt samkvæmt skipulagi kennara í lokamatsviku þarf að skila vottorði vegna veikinda eða semja um fjarveru sína við skólameistara.
- Veikindi þarf að tilkynna fyrirfram á skrifstofu skólans.
- Nemandi sem mætir ekki til lokamats fellur í áfanganum.
- Varðveita skal matsgögn í eitt ár samanber reglur um lokapróflausa áfanga.
Samþykkt á kennarafundi 25.11. 2016
Samþykkt á skóaráðsfundi 1.12. 2016