Fjallamennskunám
Fjallamennskunám er 60 eininga sérhæft nám í fjallamennsku sem tekur tvær annir og lýkur á 2. hæfniþrepi. Náminu er ætlað að auka hæfni nemenda til að ferðast um fjalllendi og óbyggðir á Íslandi. Námið er sérhæft nám í fjallamennsku og er ætlað fyrir þá sem vilja starfa við fjallamennsku og leiðsögn. Nemendur fá tiltekin réttindi innan fagfélags íslenskra fjallaleiðsögumanna AIMG. Nemendur hljóta einnig viðurkennda þjálfun í fyrstu hjálp frá Landsbjörgu. Námið veitir þjálfun í að meta vettvang og velja úrræði við ólíkar aðstæður. Námið er hugsað sem fyrsta skref í fjallamennsku og leiðsögn. Að loknu námi eiga nemendur að hafa öðlast almenna hæfni sem er í samræmi við hin níu svið lykilhæfninnar og grunnþætti menntunar. Hægt er að ljúka stúdentsprófi á kjörnámsbraut í FAS með fjallamennsku sem sérhæfingu. Einnig er hægt að ljúka framhaldsskólaprófi með fjallmennsku sem sérhæfingu.
Gönguferðir
Fyrsta hjálp 1&2
Skipulag ferða
Starfsþjálfun
Ferðir á eigin vegum I
Fjallaskíði
Hópastjórnun og leiðsögn
Jöklaferðir grunnur
Kayakferðir
Klettaklifur og línuvinna
Vetrarferðir og snjóflóð
Veður- og jöklafræði
AIMG – Fjalla 1
AIMG – Jökla 1
Ferðir á eigin vegum II
Hæfniferð
Alls 60 einingar