Fjallamennskunám

Fjallamennskunám er 60 eininga sérhæft nám í fjallamennsku sem tekur tvær annir og lýkur á 2. hæfniþrepi.  Náminu er ætlað að auka hæfni nemenda til að ferðast um fjalllendi og óbyggðir á Íslandi. Námið veitir ekki formleg réttindi en gerir nemendur færari um að skipuleggja ferðir um fjalllendi og óbyggðir og veitir grunnþjálfun í að meta vettvang og velja úrræði við ólíkar aðstæður. Námið er hugsað sem fyrsta skref í fjallamennskunámi sem hægt er að byggja ofan á með áframhaldandi námi og meiri þjálfun. Að loknu námi eiga nemendur að hafa öðlast almenna hæfni sem er í samræmi við hin níu svið lykilhæfninnar og grunnþætti menntunar.

Hægt er að ljúka stúdentsprófi á kjörnámsbraut í FAS með fjallamennsku sem sérhæfingu. Sjá hér dæmi um útfærslu. Einnig er hægt að ljúka framhaldsskólaprófi með fjallmennsku sem sérhæfingu.

Hæfniviðmið

Að loknu námi skal nemandi hafa hæfni til að skipuleggja og undirbúa ferðir um fjalllendi og óbyggðir á Íslandi. Taka á virkan og ábyrgan hátt þátt í fjalla- og óbyggðaferðum. Stunda áframhaldandi nám í útivist og fjallamennsku. Velja sér markvissa þjálfun byggða á traustum grunni.

Hægt er að nálgast skipulag fyrir fjallanemnskunámið hér.

Heiti Áfangar Viðfangsefni
FJAL2EA05 Ferðir á eigin vegum Fjalla- og óbyggðaferðir á eigin vegum
FJAL2FF05 Fjallaferðir Fjallaferðir undir 1000 metrum
FJAL2SK05 Fjallaskíði Fjallaskíði
FJAL1HJ02 Fyrsta hjálp Fyrsta hjálp
FJAL1GÖ05 Gönguferðir Rötun, útbúnaður og skipulag
FJAL3HA05 Hæfniferð A Tæknileg hæfni
FJAL3HB05 Hæfniferð B Leiðsagnar hæfni
FJAL1HF03 Heimsóknir í fyrirtæki Heimsóknir og kynningar
FJAL2JÖ05 Jöklaferðir Jöklaferðir
FJAL2KK05 Klettaklifur Klettaklifur
FJAL1SH05 Skipulag ferða og hópastjórnun Skipulag ferða og hópastjórnun
FJAL1VJ05 Veður- og jöklafræði Veður- og jöklafræði