FAS lítur á þátttöku nemenda í félagslífi sem mikilvægan hluta af skipulögðu námi við skólann. Þetta á ekki síst við hvað varðar lykilhæfniþættina skapandi hugsun, jafnrétti og lýðræði. Félagslífið á að vera sjálfbært og lýðræðislegt, sjálfsprottið af áhuga nemenda á sem felstum hliðum mannlífsins. Gert er ráð fyrir föstum tímum í stundatöflu skólans svo nemendur geti sinnt félagslífi á skólatíma.
Skólinn gefur einnig þeim nemendum sem leggja stund á skipulagt tómstundastarf utan skólans að vinna þeirra sé metin sem nám við skólann. Hvert og eitt tilfelli er metið fyrir sig af skólayfirvöldum og gerður einstaklingsmiðaður námssamningur við viðkomandi nemanda.