Menntun og öryggi leiðsögumanna á norðurslóðum

17.mar.2023

Barbara Olga Hild vinnur að PhD verkefni sínu sem ber heitið “Arctic Guide Education and Safety”. Í verkefninu leiðir hún saman þrjá skóla sem kenna leiðsögn á norðurslóðum. Fjallamennskunám FAS er íslenski þátttakandinn í verkefninu ásamt menntaskólanum Campus Kujalleq á Suður-Grænlandi og Norges Arktiske Universitet í Tromsö og á Svalbarða. Dagana 15. – 17. febrúar hittum við kennararnir í fjallamennskunáminu í FAS, Barböru og hina þátttakendurna frá Noregi og Grænlandi ásamt Gunnari Jóhannessyni prófessor við Ferðamálafræðideild HÍ, á fundi í Reykjavík.  

Verkefnið er virkilega spennandi og á vel við starfið okkar í fjallamennskudeild FAS. Strax á fyrsta fundi mátti sjá marga sameiginlega snertifleti með skólunum á Grænlandi og á Svalbarða. Við heimsóttum ferðaþjónustufyrirtæki og fengum kynningu frá þeim hvernig staðið er að öryggis- og menntunarmálum. Eins var haldin vinnustofa með hagsmunaaðilum úr ferðaþjónustunni þar sem fóru fram líflegar umræður.  

Næsta skref verkefnisins er fundur á Svalbarða í lok maí. Þangað höldum við fjögur frá FAS en ásamt fundasetu tökum við þátt í 5 daga gönguskíðaleiðangri á Spitsbergen jöklinum. Leiðangurinn er lokaferð útskriftarnema í Arctic Nature Guide náminu en nemendurnir bjóða allir 1-2 vinum eða fjölskyldumeðlimum í leiðangurinn en nemendurnir eru leiðsögumenn ferðarinnar. Við kennararnir í fjallamennskunáminu fáum því að vera “viðskiptavinir” í ferðinni. Það verður virkilega spennandi og lærdómsríkt að koma til Svalbarða og sjá hvernig kennslan er útfærð þar. Í framhaldinu verður síðasti fundur verkefnisins haldinn á Grænlandi.  

Við vonum að verkefnið leiði að sér einhvers konar samstarf skólanna þriggja enda eigum við margt sameiginlegt með þeim. Verkefnið fór vel af stað og við hlökkum til næstu skrefa.  

Íris Ragnarsdóttir Pedersen 

 

Aðrar fréttir

Opið fyrir umsóknir í fjallanámi FAS

Opið fyrir umsóknir í fjallanámi FAS

Nú hefur verið opnað fyrir umsóknir í fjallamennskunáminu okkar í FAS. Námið hefur verið endurskipulagt til að mæta sem best þörfum nemenda. Námið samsett úr verklegum vettvangsáföngum og bóklegu fjarnámi. Eins og áður er boðið upp á grunnnám í fjallamennsku annars...

Fókus í úrslit Músiktilrauna

Fókus í úrslit Músiktilrauna

Fyrir nokkru sögðum við frá því að stúlknabandið Fókus ætlaði að taka þátt í Músiktilraunum en þar hefur fjöldi hljómsveita komið fram fjögur síðustu kvöld í undankeppninni. Hvert kvöld hefur salurinn valið eina hljómsveit áfram og dómnefnd aðra. Það var þó vitað að...

Isabella Tigist í Söngkeppni framhaldsskólanna

Isabella Tigist í Söngkeppni framhaldsskólanna

Söngkeppni framhaldsskólanna verður haldin laugardaginn 1. apríl í Hinu húsinu í Reykjavík. Allir framhaldsskólar landsins geta sent einn keppenda fyrir sína hönd. FAS hefur oft tekið þátt í söngkeppninni og svo er einnig nú. Það er hún Isabella Tigist sem verður...