FAS býður í jólamat

by 10.Dec.2019Fréttir

Það var margt um manninn í hádeginu í dag á Nýtorgi því FAS bauð nemendum, foreldrum og starfsfólki í Nýheimum í jólaveislu. Í fyrra var boðið í jólamat í fyrsta sinn í FAS og það tókst svo vel að það var ákveðið að endurtaka leikinn. Það var hún Hafdís okkar sem sér um veitingasöluna sem tilreiddi hamborgarahrygg með alls kyns meðlæti og á eftir var boðið upp á gómsæta ostaköku. Það eru sífellt fleiri sem borða vegan og að sjálfsögðu hafði Hafdís hugsað fyrir því. Þannig að það fengu allir eitthvað við sitt hæfi.

Yfir borðhaldinu var margt rætt. Þar má nefna skólann og hlutverk hans í samfélaginu, félagslíf nemenda en mörgum var líka tíðrætt um óveður sem er að skella á landinu í dag og á morgun.

Í dag er síðasti kennsludagur í FAS á þessari önn. Á morgun hefjast lokamatsviðtöl og eiga nemendur að hafa tímasetningar um það hvenær þeir eiga að mæta í viðtölin. Það má því segja að lokatörnin hjá nemendum þessa önnina sé hafin því við leggjum á það mikla áherslu að nemendur undirbúi sig vel fyrir viðtölin.

Aðrar fréttir

Bekkjakerfi í FAS

Bekkjakerfi í FAS

Núna er ljóst að við erum ekki alveg að ná tökum á COVID-19 og þetta ástand mun vara nokkuð lengur. Því hefur verið ákveðið að breyta skipulagi í FAS til að koma á móts við sem flesta en að tryggja um leið smitvarnir. Ákveðið hefur verið að skipta nemendum skólans í...

Jöklaferð hjá fjallamennskunemendum

Jöklaferð hjá fjallamennskunemendum

Grunnnámskeið í jöklaferðamennsku var haldið dagana 2.- 5. október. Að þessu sinni var nemendahópnum skipt í tvennt, en helmingur hópsins fór á jökul meðan hinir æfðu fjallahjólreiðar. Leiðbeinendur á námskeiðinu voru Árni Stefán Haldorsen, Bjartur Týr Ólafsson og...

Fjallahjólaferð í fjallamennskunáminu

Fjallahjólaferð í fjallamennskunáminu

Grunnnámskeið í fjallahjólreiðum var haldið dagana 2. - 5. október. Að þessu sinni var nemendahópnum skipt í tvennt, en helmingur hópsins fór á jökul meðan hinir æfðu fjallahjólreiðar. Leiðbeinendur á námskeiðinu voru Guðmundur Markússon, Sigfús Ragnar Sigfússon og...