Fyrsta útilega sumarsins var farin um miðjan júní. Förinni var heitið í Þakgil sem er við rætur Mýrdalsjökuls. Beygt er upp hjá Höfðabrekku í Mýrdal og ekið yfir heiðarfláka og móbergslandslag. Landslagið er skemmtilegt og mjög ólíkt því sem sést frá þjóðveginum. E.t.v. mætti segja að maður detti inn í aðra veröld.

Fremst á Höfðabrekkuafrétti - Mýrdalsjökull í fjarska.

Horft niður eftir farvegi Múlakvíslar. Hjörleifshöfði sést lengst í burtu.

Flott landslag í fallegu veðri.

Á miðri leiðinni var hluti af Bjólfskviðu tekinn á síðasta ári. Ekki er enn búið að fjarlægja leikmyndina. Satt best að segja er þetta hálf draslaralegt.

Hafdís Lára í einni "byggingunni".

"Aðalbyggingin" í Bjólfskviðu.

Neðan við Reynisfjall er svokallað Reynishverfi. Þar eru ótrúlega fallegar stuðlabergsmyndanir.

Hellisskútar ganga inn undir stuðlabergið.

Sums staðar liggur bergið í flögum.

Þjóðhátíðardeginum var fagnað í Vík. Þar var m.a. annars hægt að fara á hestbak.

Ungfrúnni þotti við hæfi að skreyta sig með íslenska fánanum.

Horft til Reynisdranga. Þokubakki liggur rétt fyrir utan.