Í byrjun júní fór fjölskyldan og Gísli Páll frændi í sumarhús á Spáni.

Við hliðina á húsinu er sundlaug. Krakkarnir fóru oft á dag í laugina. Það var vinsælt að reyna að hoppa sem lengst út í.

Hafdís Lára á fullri ferð.

Frændsystkinin glöð á góðum degi.

Einn daginn fórum við í dýragarð. Það er ekki á hverjum degi sem hægt er að skreppa á bak á fíl.

Í miðbæ Torrevieja hittum við þessa fínu hljómsveit.

Í miðbænum er Tívolí. Við fórum þangað nokkrum sinnum. Hér hafa Einar, Hafdís Lára og Gísli Páll fengið sér far með risaeðlu.

Hafdís Lára á hestbaki.

Langvinsælast var að keyra klessubílana.

Það er ekki á hverjum degi sem hægt er að sitja í drottningarvagni.

Hafdís Lára sefur vært eftir eina Tívolíferðina. Þetta ljón fékk hún fyrr um kvöldið.

Veitingastaðurinn Patio Andaluz er ekta spænskur staður. Þar smökkuðum við m.a. froskalappir og strútssteik. Þjónarnir eru mjög skemmtilegir og skemmta krökkunum m.a. með því að hella upp í þá ávaxtasafa.

Gísla og Eydísi leiðist ekki söngur spænsku drengjanna.

Gísla Páli fannst þetta frábær staður. Hann keypti sér m.a.s. bol til minningar.

Auðvitað fórum við nokkrum sinnum á ströndina. Þar var nóg byggingarefni.

Einn daginn fórum við til Alicante og skoðuðum m.a. þetta gamla virki. Útsýnið þaðan var frábært.

Hafdís Lára situr á gamalli fallbyssu.

Fjölskyldan efst í virkinu.

Ekki fannst okkur vandað til bygginga, steyptar plötur og súlur og svo múrsteinar. Ekki gott að vita til þess að þarna geta orðið jarðskjálftar.

Seinni vikuna keyrðum við til Calpe að heimsækja Sæla og Eydísi. Kletturinn sem einkennir staðinn er flottur.

Í Calpe fórum við á frábæran kínverskan veitingastað.

Farskjótinn kvaddur á flugvellinum í Alicante.