Seinni partinn í júli komu Inga og fjölskylda í heimsókn frá Svíþjóð. Eina helgina fórum við saman í Skaftafell. Í Svíþjóð hafði rignt lungann af sumrinu og því fannst þeim 25 stiga hiti í Skaftafelli frábær. En ekki er venjan að svo heitt sé á Fróni og því fór ekki mikið fyrir sumarklæðnaðinum en þess meir fyrir stígvélum, yfirhöfnum og hlýjum fatnaði sem allt lá nánast óhreyft allan tímann sem dvalist var á Íslandi.

Hafdís Lára fékk þá flugu í höfðuðið að prófa höfðufatnað allra í fjölskyldunni.

Anna Vigdís og Jóhann Skírnir lúin eftir göngu um þjóðgarðinn.

Eflaust er hér verið að dást að Hvannadalshnúki sem skartaði sínu fegursta.

Á leið okkar frá þjónustumiðstöðinni inn að jökli sáum við 5 geitungabú. Eitthvað sem ég hef aldrei séð áður í þjóðgarðinum.

Anna Vigdís og Jóhann Skírnir koma frá rafstöðinni sem var endurbyggð fyrir nokkrum árum.

Hafdís Lára komin með höfuðföt allra á hausinn.

Það er alltaf töluvert af fólki á tjaldstæðinu - sérstaklega um helgar. Eins og sést var útsýnið ekki amalegt.

Þetta gæti vel verið póstkort - tignarlegt landslag í Skaftafelli.

Það er alltaf bráðnauðsynlegt að sulla svolítið.

Í júli var opnuð ný leið inn í Morsárdal. Við sama tækifæri áskotnaðist þjóðgarðinum þessi vatnadreki sem eitt sinn var í förum yfir Skeiðarársand.