Þegar við keyptum húsið okkar var búið að smíða pall fyrir utan sjónvarpsholið. Þetta er fínn pallur en því miður er ekki hægt að nýta hann nema fyrri part dags. Eftir kaffi nær sólin ekki að skína þar.
Á vordögum var ákveðið að ráðast í smíði á öðrum palli, sá skyldi staðsettur vestan við húsið, nánar tiltekið fyrir utan borðstofugluggann. Hákon yfirsmiður var fenginn til stjórna framkvæmdum. Þetta var auðvitað miklu meiri vinna en gert var ráð fyrir. En nú þegar pallasmíði er nánast lokið erum við alsæl með afraksturinn og pallurinn hefur verið mikið nýttur.
Eins og sést fer litið fyrir myndum af frúnni. Hún tók þó að sjálfsögðu þátt í öllu saman.