Fyrsti vetrardagur heilsaði með köldum norðangusti. Við létum það þó ekki á okkur fá og fórum í smáferðalag. Núna lá leiðin út á Melatanga sem er svo stutt frá Höfn en þó svo langt. Til þess að komast þangað þarf að keyra vestur á Mýrar. Rétt áður en komið er að Hólmsá er beygt niður með ánni og síðan keyrt eftir sandrifinu sem liggur fram með Hornafirði. Það tekur um klukkustund að keyra aðra leiðina. Við fórum með Gústu og Jóni í bíl.
vesturfjorur_0566
Þetta er eini staðurinn hér um slóðir þar sem Hafdís Lára hefur komið á undan foreldrum sínum. En hún var á leikjanámskeiði í sumar og þá var farið með lóðsbátnum á Melatanga og grillað.


Á Melatanga var fyrstu flugvöllurinn í sýslunni og þá var breski herinn þar með bækistöðvar í seinni heimsstyrjöldinni. Hér er horft inn fjörðinn - í áttina að Hoffellsjökli.


vesturfjorur_0567
vesturfjorur_0568
 
Eins og sést er Höfn ekki langt í burtu. Í fjarska sjást fjöllin sem umlykja Laxárdal.


Hafdís Lára og Gústa vð grillstæðið frá því í sumar.


vesturfjorur_0569
vesturfjorur_0572
 
Það viðraði ekki beint til útivistar, hiti um frostmark og hífandi rok - eins gott að allir voru vel klæddir.


Fremur illa gekk að fá alla til að stilla sér upp fyrir myndatökuna.


vesturfjorur_0573
vesturfjorur_0576
 
Jón og Gústa klikka þó ekki í fyrirsætustörfunum.


Að sjálfsögðu þurfti Hafdís Lára að klifra svolítið.


vesturfjorur_0578