Þegar við erum að fara á milli Hafnar og Reykjavíkur er yfirleitt alltaf keyrt í einni lotu. Þegar við fórum af stað í þetta frí vorum við búin að ákveða að breyta út af venjunni. Við tókum tjaldvagninn með og ákváðum að fara hægar yfir og skoða landið svolítið nánar. Tjaldvagninum var slegið upp í Kirkjubæjarklaustri.

Rétt vestan við Klaustur eru Fjaðrárgljúfur og við fórum að skoða þau. Hér sést í Eldhraunið niðri á láglendinu.

Það er greinilega vinsælt að labba upp að gljúfrunum eins og sést á göngustígnum.1

Berggrunnurinn er móberg sem veðrast auðveldlega og tekur oft á sig ýmsar myndir.

Það var ekki laust við að Hafdís Lára væri smeyk á brúninni.

Það verður að viðurkennast að ljósmyndarinn fetaði sig varlega fram á brúnina til að taka myndirnar.

Flott samsetning; gljúfrin og bergvatnsá sem liðast fram með hraunbrúninni.

Horft til vesturs.

Áin liðast eftir gljúfurbotninum.

Enn ein mynd - fremst á myndinni sést hvar hægt er að labba fram á brúnina - ég sleppti því.

Þessa mynd tók Hafdís Lára af foreldrum sínum - flott mynd.

Horft inn í gljúfurmunann.

Mæðgurnar á brúnni.

Á leiðinni heim keyrðum við niður að Hraunbóli þaðan sem amma mín var ættuð. Bæjarstæðið liggur við hraunjaðarinn - ekki var hægt að sjá þess merki að búið væri á staðnum.