haus84.jpg
Forsíða
Námsframboð
Haustönn 2015
Vorönn 2015
Innritun
Um skólann
Leit
Fréttir
Myndasafn
Samstarfsverkefni
Annáll FAS
Nemendafélag FAS
Vísindadagar
Nám til framtíðar
Vefpóstur | Inna fyrir kennara | Inna fyrir nemendur | Kennsluvefur | Fjarmenntaskólinn | Náttúrurannsóknir
Forsíða
Verkefnakynningar nemenda
mánudagur, 27. apríl 2015

fani_tMiðvikudaginn 29. apríl nk. munu nemendur skólans kynna lokaverkefni sín í líffræði, íslensku og hug- og félagsvísindum. Kynningarnar verða í fyrirlestrasal Nýheima.

Kl. 10:20 munu Björgvin Konráð Andrésson og Sólveig Ýr Jónsdóttir kynna lokaverkefni sín í líffræði og þar á eftir kemur hópur nemenda og kynnir verkefni úr Brennu-Njáls sögu.

Kl. 13:00 mun Una Guðjónsdóttir kynna lokaverkefni sitt í fatahönnun. Á eftir henni er komið að öðrum nemendum af stúdentsbrautum. Þau eru: Guðrún Kristín Stefánsdóttir, Ljósbrá Dögg Ragnarsdóttir, Ragnar Magnús Þorsteinsson, Sveinbjörg Andrea Auðunsdóttir og Þorlákur Helgi Pálmason.

Kynningarnar eru öllum opnar og hvetur skólinn bæjarbúa til að koma og kynnast metnaðarfullri verkefnavinnu nemenda.

Vann Þýskalandsferð í Þýskuþraut
miðvikudagur, 22. apríl 2015

Þýskuþraut Hafdís Lára Sigurðardóttir nemandi í FAS var sigursæl í svokallaðri Þýskuþraut og fær að launum mánaðardvöl í Þýskalandi í sumar. Tveimur vikum verður varið við þýskunám og mun Hafdís Lára dvelja hjá þýskri fjölskyldu í Köln á meðan. Í tvær vikur verður svo ferðast um Þýskaland og meðal annars farið til Berlínar.

Þýskuþraut er alþjóðleg keppni sem fer fram í 90 þjóðlöndum með það að markmiði að vekja áhuga á þýskri tungu og menningu.  Félag þýskukennara hefur í samvinnu við þýska sendiráðið haft umsjón með keppninni hér á landi um árabil. Tuttugu nemendur fá viðurkenningu og hafa nemendur FAS oft verið í þeim hópi en tveir efstu vinna Þýskalandsferðina. Hafdís Lára er annar nemandinn í FAS sem fer alla leið. Árið 2012 vann Sigurður Ragnarsson þátttökurétt á Ólympíuleikunum þýskunnar svo að þýskunemendur í FAS hafa löngum staðið sig vel.

 

Framhaldsskólinn í Austur Skaftafellssýslu | Nýheimum | 780 Höfn | Sími 470 8070 | Fax 470 8071 | fas@fas.is