fas.is

Forsíða

Fjarnám

Í Framhaldsskólanum í Austur-Skaftafellssýslu er hægt að stunda fjarnám með ýmsum hætti. Almennt er reynt að koma á móts við þarfir þeirra nemenda sem leita til skólans. Einnig hægt að semja sérstaklega um fyrirkomulag námsins.

Skipulag fjarnáms í skólanum er þó einkum með tvennum hætti. Annars vegar er um að ræða nám sem fer nær eingöngu fram á neti á kennsluvefnum (http://www.kennsluvefur.is/). Hins vegar er um að ræða nám sem er skipulagt í samstarfi við Menntaskólann á Egilsstöðum og Verkmenntaskóla Austurlands. Þá er um að ræða nám sem fer fram í gegnum myndfundabúnað og einnig er kennsluvefurinn notaður. Núna er hægt að stunda fjarnám á eftirtöldum sviðum við skólann:

Brautir til stúdentsprófs
Boðið er upp á nám á félagsfræðabraut, málabraut og náttúrufræðibraut og einnig viðbótarnám til stúdentsprófs að loknu starfsnámi. Stóran hluta af áföngum á stúdentsprófsbrautum er hægt að taka á kennsluvefnum.

Í FAS er einkum boðið upp á fjarnám í kjarnaáföngum þriðja og fjórða námsárs og í kjörsviðsgreinum. Algengast er að fjarnemendur séu skráðir í sömu hópa og staðarnemendur og fylgi sömu kennsluáætlun og þeir. Námið er ekki skipulagt sérstaklega með þarfir fjarnemenda í huga og hentar því fjarnám í FAS betur nemendum sem hafa frumkvæði og góðan sjálfsaga. Áföngum sem skipulagðir eru sérstaklega sem fjarnámsáfangar fer þó fjölgandi.

Próf taka nemendur í lok annar eftir sömu próftöflu og nemendur á staðnum, en prófin geta fjarnemendur tekið í framhaldsskóla, símenntunarmiðstöð eða annars staðar í heimabyggð eftir því sem aðstæður leyfa.

Skipstjórnarnám
Nám til A-stigs skipstjórnar býðst nú í fjarnámi. Námið veitir réttindi til að gegna stöðu skipstjóra eða stýrimanns á skipum sem eru styttri en 24 metrar að skráningarlengd og stöðu stýrimanns á skipum allt að 45 metrum að skráningarlengd. Kennt er í gegn um netið eða í staðbundnum u.þ.b. 20 klukkustunda lotum í Tækniskólanum. Námið hentar því nemendum um allt land. Námið hefst á haustönn 2009.

Skipulag námsins:

Nám til réttinda til að gegna stöðu skipstjóra eða stýrimanns á skipum sem eru styttri en 24 metrar að skráningarlengd og stöðu stýrimanns á skipum að 45 metrum að skráningarlengd
Réttindi fást að fullnægðum skilyrðum um siglingatíma og starfsþjálfun
Fyrra nám og reysla er skoðuð sérstaklega og metin til eininga ef við á
Kennslan fer fram í gegnum netið og í lotum
Nemendur þurfa að hafa aðgang að tölvu og netengingu
Nemendur þurfa að mæta í námslotur nema samið hafi verið um annað fyrirfram
Nemendur bera sjálfir kostað vegna ferðalaga í námslotur
Nemendur greiða skráningargjald sem er 4250 krónur fyrir hverja önn
Efnisgjald verður innheimt í þeim áföngum sem það á við
Námið er í samvinnu við Tækniskólann
Námið er vottað eftir alþjóðlegu vottunarkerfi Tækniskólans
Próf tekin í nálægum menntastofnunum
Áfanginn SLY101, slysavarnir, er ekki kenndur í FAS en hann er reglulega í boði á vegum Slysavarnarfélagsins Landsbjargar og það er á ábyrgð hvers nemanda að taka hann
Áfanginn UTN103, upplýsingar og tölvur, verður skipulagður í samráði við nemendur

Smáskipa- og skemmtibátanám
Boðið upp á sérstakan námspakka til skipstjórnarréttinda á skipum sem eru allt að 12m að lengd og skemmtibátum allt að 24m að lengd. Námið er skipulagt sem fjarnám og unnið er á kennsluvefnum (http://www.kennsluvefur.is/). Í sumar verður unnið að því að endurskipuleggja námið í ljósi nýrrar námskrár sem gefin verður út á næstunni og verður því ekki hægt að sækja um það nám fyrr en í ágúst.

Próf fara fram í lok náms bæði haust og vor. Þau geta nemendur tekið í framhaldsskóla, símenntunarmiðstöð eða annars staðar í heimabyggð eftir því sem aðstæður leyfa.

Vélstjórnarnám
Nám til B-stigs vélstjórnar býðst nú í fjarnámi. Námið er ætlað þeim sem lokið hafa 2. stigi vélstjórnar og veitir réttindi á skip með allt að 1500 kW vélarstærð. Kennt er í gegn um netið eða í staðbundnum 20 klukkustunda lotum í Tækniskólanum. Námið hentar því nemendum um allt land. Námið hefst á vorönn 2009.

Skipulag námsins:

Námið veitir réttindi til starfa sem yfirvélstjóri og 1. vélstjóri á skipum með vélarafl 1500 kW og minna og undirvélstjóri á skipum með 3000 kW vélarafl og minna að uppfylltum siglingatíma.
Námið er sniðið að þörfum þeirra sem lokið hafa 2. stigi vélstjórnar og ætla sér að ljúka B-stigi vélstjórnar. Þeir sem lokið hafa A-stigi vélstjórnar eða ætla sér eingöngu að taka einstaka áfanga geta þó komið inn í námið ef aðstæður leyfa.
Fyrra nám og reynsla er skoðuð sérstaklega og metin til eininga ef við á.
Kennslan fer fram í gegnum netið og í lotum.
Nemendur þurfa að hafa aðgang að nettengdri tölvu.
Nemendur þurfa að mæta í námslotur nema samið hafi verið um annað fyrirfram.
Nemendur bera sjálfir kostað vegna ferðalaga í námslotur.
Nemendur greiða skráningargjald sem er 4250 krónur fyrir hverja önn.
Efnisgjald verður innheimt í þeim áföngum sem það á við.
Námið er í samvinnu við Tækniskólann og aðra vélskóla víða um land.
Námið er vottað eftir alþjóðlegu vottunarkerfi Tækniskólans.
Símenntunarmiðstöðvar veita námsráðgjöf og aðstöðu til náms fyrir þá sem vilja eftir nánari samkomulagi við hverja miðstöð.