|
ţriđjudagur, 09 mars 2010 |
|
 Já, sæl verið þið. Við höfum það ljómandi gott í Póllandi þó okkur finnist nú dálítið kalt en frostið hefur farið niður í 14 stig. Ferðalagið gekk vel en var nú helst tll langt en það tók 17 tíma frá því að við fórum af stað frá Keflavík og þangað til að við komum heim til félaga okkar. Það urðu heldur betur fagnaðarfundir þegar tekið var á móti okkur í Kraká.
Í gær var formlega tekið á móti okkur í skólanum og einhverjir skoðuðu búðirnar seinni hluta dagsins. Í morgun settust nemendur svo að hannyrðum þegar farið var í heimsókn á dúkkusafn í grenndinni. Já, það er víst að við höfum nóg að gera þessa daga sem við dveljum hér; kynningar, heimsóknir og ferðalög alla daga.
Hópurinn hefur það ljómandi gott og allir eru sammála um þátttaka í verkefni sem þessu er einstök upplifun.
Við vonum að þið saknið okkar - Icepo gengið.
Ps. Það er hægt að fylgjast með ferðum hópsins á http://icepo.fas.is/
|
|
|
fimmtudagur, 04 mars 2010 |
 Í morgun var undirritaður samningur á milli Heilbrigðisstofnunar Suðausturlands og FAS. Þessi samningur kveður á um heilbrigðisþjónustu fyrir nemendur skólans sem HSSA veitir, samanber ný lög um framhaldsskóla. Námsráðgjafi FAS og hjúkrunarfræðingur hjá HSSA eru tengiliðir á milli stofnana og hafa með höndum útfærslu samningsins.
Það er ánægjulegt að það sé komið á formlegt samstarf á milli þessara stofnana sem eflaust bætir þjónustuna við nemendur. Þeir nemendur sem vilja nýta sér þessa þjónustu geta bæði haft samband við námsráðgjafa eða haft beint samband við heilsugæsluna.
|
|
|
