|
fimmtudagur, 26 janúar 2012 |
 Einn þeirra áfanga sem er kenndur á önninni er LÍF113 sem er vistfræðiáfangi. Í þessari viku hafa staðið yfir athuganir á því hvað er að fnna í jarðvegi.
Á mánudag tóku nemendur jarðvegssýni og komu fyrir í nokkurs konar hitahillu sem Einar Torfason sem sá um húsvörslu í gamla FAS smíðaði. Jarðvegssýnunum er komið fyrir í nokkrum trektum og er ljós fyrir ofan hverja trekt. Fyrir neðan trektarnar eru sett bikarglös með vatni í. Þegar lífverurnar í jarðvegssýnunum lifna við færa þær sig neðar í trektina til að forðast þurrkinn og hitann.
Á endanum falla þær svo niður í bikarglösin.
Það kom öllum á óvart hversu fljótt lífverur söfnuðust fyrir í bikarglösin og eins hversu margar lífverur var þar að finna. Þar mátti m.a. sjá margfætlur, bjöllur, stökkmor og flugur svo eitthvað sé nefnt. Að vonum voru allir kátir með hvað þessi tilraun gekk vel en einhverjum kom á óvart hversu fjölbreytt líf er að finna í lítilli grastorfu. Á myndinni sjást nokkrar þeirra lífvera sem fyrir augu bar.
|
|
|
Senjóríturnar á leið til London |
|
þriðjudagur, 24 janúar 2012 |
 Um næstu helgi fer fram lokakeppni í
International PetroChallenge
í London. FAS hefur um langt skeið tekið þátt í olíuleit og í haust sigraði lið frá skólanum í fjórða skipti í röð í landskeppni. Það er eftir töluverðu að slægjast fyrir það lið sem vinnur landskeppni því liðinu ásamt fylgdarmanni er boðið til London. Þá er gisting og fæði í tengslum við ferðalagið innifalin.
Í haust voru það nítján nemendur í fimm liðum í FAS sem hófu leikinn. Þegar yfir lauk voru það senjóríturnar Dóra Björg Björnsdóttir og Siggerður Aðalsteinsdóttir sem báru sigur úr býtum. Þær leggja af stað á fimmtudagskvöldið en aðalkeppnin fer fram í London á laugardaginn.
Þess má að lokum geta að lið frá FAS hafa tvisvar sinnum unnið lokakeppnina ytra og einu sinni orðið í öðru sæti.
Að sjálfsögðu óskum við þeim góðs gengis og góðrar skemmtunar í London.
|
|
|
